Me hadde ein plan om å ha basar anna kvart år då vi arrangerte basar i 2019. Så kom det ein pandemi og sette oss alle ut av spel, men no er me endeleg klare med ny basar.
Basarane har stått i kø i bygda i haust og no er det berre to veker att me skal ha vår. Di støtte er viktig for at me skal kunne halde fram med å bidra med musikk ved store og små hendingar i lokalsamfunnet. Difor håpar me at du kjem på basaren vår søndag 20. oktober kl. 17 i Årdal Kino (foajéen og kantina).
Viktig inntekt til instrumentopplæring av ungar
Korpset har ei viktig rolle i lokalmiljøet. Me får ein del offentleg støtte, men mesteparten av drifta må vi skaffe midlar til sjølve. Skal me ha korps i framtida, er det viktig med rekruttering både av vaksne (nye og «rustne» musikantar), men ikkje minst born og ungdom. Difor er det avgjerande at me kan tilby musikkinteresserte born og ungdommar på Tangen god grunnopplæring på korpsinstrument slik at dei kan få oppleve gleda ved å ha korps som hobby.
Opplæringa gjennom kulturskulen som me tilbyr ungar på Tangen, er ein av våre største utgiftspostar. I dag har me 17 unge tangingar som får slik opplæring. Me håpar difor at mange kjem på basaren for å støtte denne gode saka.
Stor gjevarglede og mange, flotte gevinstar
Me har fått utruleg mange bidrag til basaren frå både medlemmar, andre privatpersonar og lokale bedrifter. Det gjer at me har mange flotte gevinstar som skal loddast ut.
Om du ynskjer å bidra med ei gåve, er det ikkje for seint. Du kan kontakte leiaren vår, Kristin Horge, på tlf. 91308849 eller sende oss ei melding på Facebook. Om du vil gje ei pengegåve, kan overføre pengar til korpset sin bankkonto 3730.20.28509 eller vippsa til #118778 (Årdalstangen Musikklag).
Vi nyttar høvet til å takke alle gjevarar for gåvebidrag!
Ikkje fått kjøpt lodd enno?
Me kjem framleis til å sitte på butikkar og selje lodd fra mot basardagen, kanskje oftast på Rema 1000 på Tangen. Denne gongen har me også Digitale loddbøker i Vipps for deg som ikkje treff på nokon loddseljar – eller har lyst å kjøpe fleire lodd. Dei digitale loddbøkene går inn i trekkinga på akkurat same måten som vanlege papirbøker – du har altså akkurat same vinnarsjanse.
Slik kjøpar du lodd i digitale loddbøker:
Velkomen på basaren 20. oktober
Då gjestår det å ynskje alle – store som små – hjarteleg velkomne til ein triveleg kveld med med åresal, pauselotteri og trekking på loddbøker. Me byr på rikeleg med gratis kaffi, te, saft og heimebakte kaker attåt loddsal og trekkingar.
Me håpar på godt oppmøte og ser fram til å møte både gamle og nye vener av musikklaget. Kvar krone som vert samla inn, gjer ein stor forskjel og bidreg til å sikre framtida for Årdalstangen Musikklag – og ikkje minst, sikre at fleire unge får sjansen til å finne ut at korps er ein knakande kjekk hobby.
Velkommen til ein hyggelig basarsøndag!
