Vårkonsert laurdag 18. mars

Laurdag 18. mars kl. 18

StadÅrdal Kino, Årdalstangen
Billettpriskr. 200
Vipps-kjøpSøk opp Korpskiosken (#118857), klikk på «Vårkonsert 18.03.2023» og betal for tal billettar.

Ein konsert der godheit, grenseoverskridande samarbeid og ein dose kjærleik er i sentrum.

Me held fram med å utfordre oss sjølve og går denne gongen ei god sløyfe utanom dei tradisjonelle korpsløypene. Me gir sjølvsagt ikkje heilt slepp på det tradisjonelle korpsrepertoaret, men kastar oss hovudstups, men ikkje hovudlaust, utfor i pop- og rockløypa!

Denne gongen presenterer me populærmusikk med noko av det beste frå Eagles («Hotel California» og «Desperado») med norske tekstar, i tillegg til «All About That Bass», «Raindrops Keep Falling On My Head» og fleire andre godbitar frå pop– og viseverda.

For å få til dette, har me fått med oss sangsolist Anne Margrete Hatlelid og to unge, lovande årdalsmusikarar; Jonas Henjum (gitar) og Morten Hestetun Flugheim (bass). Dette blir noko heilt anna, og spennande, både for røynde korpsmusikantar og for dei unge og lovande gjestemusikarane!

Erling J. Myrseth

Elles inneheld programmet et par-tre korpsnummer, mellom anna den fine «Concerto d’amore». Ein tur til filmmusikkens verden og John Williams sitt kjende filmmusikkrepertoar skal vi også, med smakebitar frå Indiana Jones, Jurassic Park og Schindlers liste.

Dirigent er Erling Myrseth som har vore vår faste gjestedirigent sidan 2019.

Som vanleg vert det pause med litt forfriskingar og høve til ein god prat med sambygdingar og tilreisande.

Me gler oss og ynskjer velkommen til konsert.

Les fleire saker

Konsert utanom det vanlege

Konsert utanom det vanlege

Vårens store konsert nærmar seg, og vi gler oss til å gje deg ein kveld fylt med musikalske overraskingar, energi og speleglede! Helt sidan vårt 60-årsjubileum i 2007 har hovudkonserten vore sesongens store høgdepunkt, og vi legg ned utallige timar med øving for å...

read more
Møt jazzmusikaren Didrik Ingvaldsen

Møt jazzmusikaren Didrik Ingvaldsen

Eit tilfeldig møte kan av og til bli starten på noko heilt uventa. Som når eit korpsmedlem treff ein utflytta og delvis heimvend årdøl på Rema'en som tilfeldigvis er sambuar med ein jazzmusikar. Den utflytta heimvende årdølen er kunstnaren Reidun Rose Vinda som...

read more
Årets adventskalendar er her!

Årets adventskalendar er her!

No er adventskalendaren vår for 2024 i sal. Dette er eitt av to lotteri me har fast og alle inntekter går uavkorta til korpset. I årets lotteri har me nytt opplegg for gevinstar. Utanbygds tilhengjarar kan også kjøpe å få tilsendt kalendaren i posten. Pris pr....

read more